Dohthlennak ah Kan Theih ding : Kan pengtlang nih Miphun kan huap kho lo timi hi i fiang a hau

Hriamtlaih Miphun Huap Thawn Nak Ah “P” Aa Tel Ruamlo! Tahchunhnak ah: khua pakhat ah chungkhar khat nih an pawcawmnak caah rian an tuan ii an khua ah mirum bik an i chuah., Cucu khua mi hna le khuadang hna nih kan nih khua cu kan thangcho tuk cang, an ti kho lo. Khua thanchonak a si lo, Chungkhar thanchonak a si, Miphun huapin thanchonak zong a si fon lo.

Cu ve bantukin kan dohthlennak zongah hriamnam in thancho le thawndeuh a um, Tathchunhnak ah: Peng pakhat cu mipi bomhnak thawngin le ramleng bomhnak thawngin hriamnam in kan Chin hriamtlai phu vialte lakah an thawng bik. Cucu i lak rialmang in Peng dang hna nih kan nih Peng cu kan thawng tuk cang an i ti kho lo.

Pengtlang thawnnak a si. Miphun huapin hriamtliah thawnnak a si lo. Miphun dang hmai ah kan nih “C” cu kan thawng tuk cang kan ti kho hlei lo, An kan ti ve fon lai lo. An nih “P” cu ti theo kha si ko lai. Chim Duhnak cu; P kan ti chung paoh ah P cu P a si peng ko.

Chin defence forces claim high Myanmar junta death toll in week of fighting  | Mizzima Myanmar News and Insight

Zeitik hmanhah ah P cu C ah aa thial bal lai lo. M zongah aa thial bal lai lo. P a si peng ko lai. Ramleng hmurkaa zong kan ngeih tikah P an ti peng, P hi thazaang an peek bik . P hi C le M ah thial a cuu cang. Cu lo ahcun hriamtlai phu dang hna lak ah Chin mi cu hnu lei in kan i thlai peng ko lai. kan nih cu P in pei C le M huap kan i timh cu a si khi lo mi hrimhrim khi!!

‘CNA ah i fonh dih hna sihlaw, ramleng bomhnak an hmu ti lai lo, ti mi ruahnak hi Miphun dawtnak thinlung a si lo. Miphun dohthlennak zong a si lo. Peng le Tlang dohthelnnak a si. Kan pengtlang nih Miphun kan huap kho lo timi hi i fiang a hau, P ca’h kan ruah hmasa hlan ah C le M ca’h ruat hmasa hna usih. Cu lawngah Chin mi kan thawnglai. Crd Salai Salai