Delhi ah Laimi nih An Hlan mi Vai Inn A Hrang i An Khrihfabu Mino Pawl Tiang nih An Riah pi Cang Hna

“A hramthok ah cun kan zum lo i mi thalo mi chokvai pawl nih a an ti hram ah kan ruah . Asi nain a hnu ah cun zumhlo awk tha lo in kan um cang “tiah inn hlangtu nih cun a chim .Inn a hlangtu nih a chim ning bantuk in cun , Zan kan it hnu ah hin kan mei hi a kan off piak tawn i kan eletric maw a mit hnga tiah thawh kan i timh poah ah a mah tein a hung ceu than tawn . Cu ti cun voi tampi hi a kan tuah tawn.

Cun ,zaankhat cu zinglei nazi 4 hrawng ah kan innpi kutka kha a mah tein thawngthang ngai in a van i hnin thluahmah i thli le a hrang fawnlo caah kan khuaruah a har ngai .Minung nih an ti tiah le a tuantuk rih i a hohmanh an tho rih lo ti a fiang fawn.Cutik ah kutka kan on i kan va zoh tik ah cun leng ah a hohmanh an rak um fawn lo .

How Ghost Stories Spread in the Era of Social Media | Literary Hub

Minung cu sihna sehlaw a tu bantuk can ah cun mihrok hrol le mifir dah ti lo an um fawn lai lo.Asi nain kutka kan on i kan zoh ah le zeihmanh kan hmu fawn lo , minung cu siseh law pakhat khat in ai langh cang ko hnga a ruang cu innhlangtu hi nulawngte kan si tiah a ti .Cun zan ah hin kan innka phen ah hin lenglei in minung thlapale bantuk hi kan hmuh lengmang i kan zoh colh zong ah zeihmanh kan hmu bal fawn lo .

Kan innchug coka gas dur zong a tang ah kan chiah mi zanlai i thawngpang kan theih i kan va zoh ah cun kan gas dur cu a cunglei ahb a rak i thial diam tawn fawn . A can ah kan thilchiah mi coka thilri pawl hna hi kan innpi tuanglai ah a van i thek dih tawn i kan innchung ah hin kan mah lawng kan um lo umpi tu mitinn hmuhkhawh lomi a um ve ti cu a fiang tuk tiah a chim fawn .

GHOSTS OF DARKNESS Trailer (2017) Horror Movie - YouTube

Hi innhlangtu hi nu lawngte an si tik ah an tih tuk cang i khrihfabu mino pawl nih a riah pi tawn hna i an riahpi zan zong ah hin thawngpang mak taktak paw cu an theih cio ti a si fawn .Zapi zumhnak ah cun hi inn hi a hlan ah a rak um mi hna hi tuanbia an rak ngei i a si ko lai , innchug ah ai awkmi maw , ai that mi maw buainak pakhat khat a si lo ah i thahnawn nak pakhat khat aum i a si ko lai tiah an zumh cio .

A si nain inn ngeitu hi an hal ngam fawn lo hi inn hi a hlan ah a hohmanh nih hlan zong a tong bal lo ti a si fawn tik ah inn a hrang ti hi pawngkam minung nih thei cia cio hna seh law a lo tiah an chim fawn .Innngeitu zong nih hin hi inn a hlangtu hna cu an dawt ngai hna i an chuak than sual lai ti an phang ngai tawn.

Ghost Caught on Camera - 10 Real Ghost Videos | New Idea Magazine

A hlan ah hin kan mah lei mi Tedim mi nih an rak hlan hna i um awk thalo in khuachia nih a thih hna caah an chuah tak than i cupin cu a hohmanh nih an rak hlang ngam ti lo mi a rak si .Lockdown lio a si fawn caah inndang kawl le i thial awk zong a that lo caah zan zeimaw zat cu tih ngai in cu inn ah cun an um i tuah cun an celh ve ti lo i inndang ah an i thial cang nak kong cu minlanghter a duhlo mi kan mah Chin mi nu nih fiang tein a chim .

Credit : Ihburlenpictures