CNA Chairman Pu Zing Cung : Chinram Dothlen Nak A Cah Chin Chin Khawh Nak Ding Ah Cun Hi Thil Hi A Herh Mi A Si

SAC ralhraang nih kumpi kumkhat chung nawlneih nak an lak hnu i dinh chuah CDF Chin ralkap cu CNA ah lut dih in CNA nawl pek nak tang ah ralhraang doh hna seh law hmual.a nei chinchin lai tiin CNA Chairman Pu Zing Cung nih cu online chung i biaceih nak an neih nak ah cun a chim.

MYANMAR-YANGON-UPWC-SD-9TH MEETING

“CDF he hmunkhat te ah tangti in a tu bantuk i cawlcangh naka um cuahmah mi bantuk in tuah chuak ding ah CDF ralkap pawl hi CNA ah lut hna seh law, nawlpek mi pakhat tang ah thirhruai le cawlcangh a si lai i Dothlengnak hmual a fak lai. Kan timh tuah mi ah kan phan kho bak lai. Kah doh nak lei zong ah tha taktak in kan cawlcang kho lai. Mah cu thil cu a ho poh nih theih cio mi a si tiah CNA Chairman Pu Zing Cung nih cun a ti.

Pu Zing Cung nih cun hriamtlai mi pawlkomh min vuah mi he zong a cuai a thlai i “CNA cu Chin ralkappi an si. Miphun aiawhtu ralkap an si. CDF cu Chinland Defense Force ti a si i ram le miphun humkham ding i dirh mi a si.”

“CNA cu hmunram pakhat lawng siloin Chin ramkulh hmun kip ah kal in rian kan ṭuan, hmun kip ah ral a va doh mi Chin ralkap kan si i rampumhuap zawngin CNA in ṭuanvo kan nei. Chin phunpi hum dingah CNA nih ṭuanvo kan nei. Cuhleiah Chinland kan ti mi, cu i ram pawl zong CNA kut ah umter dingin ṭuanvo kan nei” a ti.

Pu Zing Cung nih cun a hram thok tein Chinram zalennak kan ngah tik can zong ah Chin ralkap nei ṭhat a poimawh zia a chim than i“Federal ralkappi kan dirh tikah Kawl pawl lawng i ukmi ralkap a um thotho lai, cun tu bantuk in nawlneih nak lak in rampi buainak a chuah khawh ruangah kan nih Tlangcung mi pawl nih raldoh fimthaimnak lei ah cawn nak siseh, Thli cung ralkap, Ti cung ralkap ti bantuk hrang tiang kan rak ruat thiam cia a hau”

MYANMAR-YANGON-UPWC-SD-9TH MEETING

“Cu bantuk in ralkappi dirh than ding a si ruangah CNA cu a biapi tuk mi dir hmun ah a rak um. Curuangah CNA thazaang cah ding hi a biapi taktak mi a si. CNA tha a ṭhat ah cun kan miphun tha a cak bak lai” tiah a ti.

Atu dir hmun ah rampumhuap in SAC ralhraang doh cuahmah lio a si i, Chin mi hrangah tu bantuk tikcucaan ṭha ngah than a ngah ti lo ding ruangah Dothlengnak tha cak chin dingin riantuan zuam nak he tuan cio ding in le CNA a cak chinchin khawh nak dingah mizapi ṭanpinak a herh nak kong cu, CNA Chairman Pu Zing Cung nih a chim mi cu a si. Crd: Falam Online Media