Chungkhar pakhat ah zumtu hmasa bik ngakchiapa

Nov. 19,2021_CCN Caan har lakah Pathian dawtnak a ngan hringhran. ICBM Rakhine field Yuu khua ah a ummi chungkhar khat minung 8 lakah ngakchia pate Aye Maung cu Khrih dawtnak le khamhnak a cohlan i zumtu hmasa bik a si. Khrihfa a can ah a nu le pa le a unau 5 hna cu biaknak dang ah an um rih. Hi ngakchia pate a zumhnak cu chungkhar ah thlaici bantuk in a hung cang.

Thla khat fai a rauh hnu ah a nu le a nau zong Khrihfa an hung si ve. A pa le a dang a unau zong Pathian dawtnak le khamhnak an pemh ve te ko lai, tiah zumhnak kan ngei. Lamhruaitu Pathian min thiang kan thangthat tiah ICBM – International Chin Baptist Mission cherhchan in theih asi.Source: ICBM – International Chin Baptist Mission

Hakha peng Vanha Tipil Biakinn a kaang i a ciam dih.November 19, 2021Hakha Peng Vanha Baptist Biakinn cu nihin, November 19, chun suimilaam 12:30 hrawng ah a kaang i a ciam tiah kan theih.

“Solar le Battery conection error ruang ah a si lai tiah kan zumh. Ho hmanh kan um lo lio a si. Lo deuh ah an kal dih ii tam tuk a kangh hnu ah hmuh a si tikah aa thawknak taktak hi fiang in a chim kho mi an um lo. Seh khaan in aa thawk i solar le battery connection error ah kan zumh bik,” tiah khuami pakhat nih The Hakha Post ah a chim.

Vanha khua cu Hakha khua in meng 22 hrawng a htaalnak ah a um mi a si i, biakinn sak an limnak kum thum hrawng lawng a si rih tiah kan theih.The Hakha Post. # Crd #

Leave a Reply

Your email address will not be published. Required fields are marked *