Chinram Caah Biatak Ten Thlacam Hna U Sih Tuhi, Helicopter Le Ralkap Motor Nih Chinram An Panh Cuahmah Lio

September 25 ,zinglei nazi 9 hrawngah kalaymyo Airport in a chuak mi Helicopter cu Chinram Tedim leiah a zuang i, September 24, zanlei zongah ralkap mataw 5 in Kalaymyo in Chinram an rak panh cang. September 24 ,zanlei i Chinram a kal mi Ralkap mawtaw 5 cu PDF Zoland nih Taingen phanh hlan Sozang ah an rak kah hna i ralkap 6 tluk an thi tiah PDF Zoland chungtel nih cun media sinah a thanh. Doawknak ruangah Sozang khuami pawl cu hmunhim ah an zam dih tiah Zomi Media lei nih an langh ter.

PDF Zoland cun Ralkap mawtaw dang hnuzul in a kal mi Ralkap mawtaw 2 cu an kah i, minute 15 tluk an kah hnuah an taksa humhim nak ding caah an zam colh. I kahdoh nak ah cun, ralkap 6 tluk an thi i,PDF Zoland cu himdam tein hnulei kan panh kho than tiah chungtel minung pakhat nih cun a chim. Hmasa deuh i a rak kal mi Ralkap mawtaw pawl cu khuamuih hlan ah tidim lei an panh tiah lamcung i a um mi khuami pawl nih cun an chim.

FarsNews Agency Myanmar Rebels Claim Military Helicopter Downing

Khuami pakhat nih cun “Helicopter cu khawika lei dah a panh lai timi cu kan thei loh Tedim pawngkam hrawnghrang ah cun ai chok len ko i Ralkap mawtaw pawl zong khawika hmun ah dah umhmun an khuar lai zei an tuah lai timi cu felfai te in kan thei rih lo,” tiah Media sinah an chim.

Kalaymyo i a um mi pakhat nih cun “Tuini cu Kalaymyo in Helicopter chuak a tam i, khawika lei dah an kal lai timi cu kan thei dih loh Helicopter awn cu kan theih peng ko. Thlanglei laitlang le saklam laitlang ih a zuang mi an um tiin micheu nih cun an chim” tiah a ti.

Myanmar's military blocks Facebook as resistance grows to coup against Suu  Kyi govt - World News

A tufang Chin ramkulh chungin Thantlang peng chungah CDF le ralkap an i thua cuahmah lio a si i Falam peng chungin ralkap le CNDF zong kan hnu zarh chungah Tibual pawngkam ah an rak i kap. Tedim peng chungah PDF Zoland , CDM le CDF tangtlang nih cun September ni 17 zingah 9Maing palik Gate an rak kap i palik 5 an thi tiah thawng an rak thanh.

Leave a Reply

Your email address will not be published. Required fields are marked *