Breaking News : Tuhi Nungak An Tlau I Chungkhar Lungre Thei In An Um Thlacam Bawm Cio Hna Sih Law

Shan ramkulh Mong Kaing Township in Mandalay i pawcawm nak caah riantuan ding i a kal mi pawl nungak tleirawl kum 13 in kum 15 hrawnghrang a si mi minung 4 pawl cu tuhi an tlau tiah thawngtheih a si.

Mong Kaing Township in January 1 ah kham an i thawh i Mandalay lampi 83, 39 le 40 karlak i a um mi Paung Lay Yadanar Thein Kha Uk (ပေါင်းလဲတိုက် ရတနာသိင်္ခအုတ်) phungki siangin ah an i thum ti a si. Cuti cun, January 3, zinglei nazi 4:30 hrawngah khan phungki Sianginn in lengah an chuak hna i an zapi te cun cu ah cun an tlau nak hram hi ai thok tiah thawng kan theih.

“Anmah pawl hi tlangcung khuate in Mandalay ah pawcawm nak caah tiin riantuan ding in a ra mi an si. An um nak an khuasak nak an khua ah riantuan ding a um lo caah a rak i thawh mi an si. Phungki siangin ah an tlun ruang ah maw an i chir tuk le a si hnga zeiruag ah dah a si hnga timi cu ho hmanh nih theih khawh a si rih loh. Zing ah an rak hn i cuti cun an chuak i an rak lawi ti loh e tiah phungki pakhat nih a chim.

A tlau mi pawl hi Palawng miphun an si i, Ma Aye Sein, Ma Aye Saing Li, Ma Aye Shwei, Ma Aye So Hein an si i Kawlholh zong duh poh in a chim kho mi le a thiam mi an si loh tiah an chim.

Mandalay i vawi khat an phanh nak lawng a si i, an ruat tuk hring hran hna, holh an thiam lo ruang ah maw a si hnga, lam an theih ti lo ruang ah maw a si hnga ton lo le ton lo thil tihnung an ton ruang ah dah a si hnga timi zong zeihmanh theih khawh a si loh. A hmutu nih cun 09-9101 3681 le 09-400 554 652 pehtlaih hram hram dingin thawngthanh nak an tuah.

Leave a Reply

Your email address will not be published. Required fields are marked *