Biden-Harris Lawmhluhnak Ah Lady Gaga Nih National Anthem A Sak Lai

Lady Gaga nih hmaizarh cawn nithum ni i US president thar ding Joe Biden le a vice president ding Kamala Harris hna lawmhluhnak ceremony Washington DC i an tuah dingmi ah US National Anthem a sak lai tiah theih asi.

Lady Gaga nih hin kum 2016 Super Bowl ah khan The Star Spangled Banner hi a rak sak cang i, presidential Inaugural Committee nih a tarlangh ning ahcun hi tik ah hin celebrity A-list ai langh dingmi hna zong tampi an um tiah theih asi. Biden-Harris lawmhluh zan ah hin primetime special timhtuah asi fawn lai i, hihi Tom Hanks nih a host lai ti asi.

Lawmhluh ceremony ah hin Jennifer Lopez zong hla a sa lai tiah tarlangh asi i, zumhtlak sinak biakam cu firefighter Andrea Hall nih a thithruailai i, National Youth Poet Laureate Amanda Gorman nih poem a rel fawn lai. Biden chungkhar neihniam Father Leo O’Donovan cu innovation titu ding asi i, Reverend Dr Silvester Beaman cu thluachuah petu ding asi lai.

Tom Hanks nih host ding Celebrating America special ah hin Jennifer Lopez Jon Bon Jovi, Justin Timberlake, Demi Lovato le Ant Clemons hna cu an perform lai tiah tarlangh asi i, NBC, ABC, CBS, CNN le MSNBC hna nih live in an pekchuah lai.

Kum 2017 January ah Trump-Pence inauguration ah khan Jackie Evancho nih The Star Spangled Banner hi a rak sak.

https://youtu.be/oU_UEVp2ynU

 

Leave a Reply

Your email address will not be published. Required fields are marked *