Bible Ningin Fale Cawnpiak Timi Cu Mah Bak Hi A Si , US Ummi Fale A tihmi Nulepa nih Rak Zoh U Hih (+Video)

Hi video hi rak zoh law , na ruahning le na zumhning a si ve hnga maw? Bible nih cun “na fale cu fungfek bak in tu hna law an thi lai lo i hell ram in na khamh hna tu a si deuh lai” tiah a tial.Ram thangcho hna ah cun cozah bak nih fale fungtuk le vuak hi an duhlo i an khap bakmi asi. Cucaah mi tampi cu an fale an chim kho ti hna lo i lungrethei in a um mi nulepa tampi an um cang.

Laitlang hna ah cun fale nih chimh an ngaihlo tikah nulepa nih an kan vuak lai ti an phan caah an zia tampi an i remh i nulepa duhloning in an um ngam lo i thatnak tampi a chuahpi ve.Tutan i kan rak langhtermi video zong hi Kachin nu nih a tuu le fungfek in a tuk hna i Bible ningtein a chimhhrin hna lio video a si. Atuu le hi zu an ding i pakhat hnu pakhat in fungfek in a thuat mei ko hna.

Hi video hi Bible ning cun a dik nain ram thangcho ah cun a ttu le fungfek in a thuatu an pi hi cu thonginn chungah a tuule nih rawl an va chanh a hau cang hnga. Zei a va si poah ah fale cu nulepa nih cun chimhrin khawh le cawnpiak khawh cu nulepa rian nganbik a si ko. Nulepa a ttih tilo mi fale cu an um ve hrimhrim nain , fale nih tih le upat awk a tlak tilo mi nulepa an um ve hrimhrim.

Hi pitar nu hi a tule fungfek in a tuk ngam hna ning zohtik ah a tuu fale caah zohchunh a tlak i Pathian a tihmi nusaltha a si timi cu a lang bak ve. Zeica tiah Pathian ai bochanmi le chungkhar cah nusaltha/Pasaltha ah a dirkho mi nulepa , pilepu cu tulefa tiang zong nih tihzah le upat deuh cu an si hrimhrim ko . Nangteh na fale nih an in upat ve maw???