Atulio India Ram Social Media ah A linsa Taktak mi Doctor pa Kut In A Sin Riantuanmi Nurse Nu A Luatnak Video (+Video)

India ram hi vawleicung democracy ram ah a ngan bikmi lak ah ai tel vemi a si nain , i thleidan nak hi a fak taktak. Mi sifak le mirum , miphun ngan le miphun fa deuh tbk karlak i thleidan nak ruangah buainak faktuk hi a chuak zungzal. Tutan i video kan rak langhtermi zong hi cubantuk he cun ai pehtlaimi thiamthiam a si ve.

India ram sizung tampi ah hin Nurse a tuanmi hi an tampi cio i , nurse a tuanmi pawl nih an lahkhah hi thlakhat ah Rs.10000 -12000 karlak hrawng lawng a si. India ram cu minung an tamtuk tik ah rian hmuh zong a har ve i sifak santlailo caah cun i cawmnak zong a harsa ngai ngai ve. Cucaah nu tam deuh cu Nurse training an kai i an dih in sizung ah rian an sok colh ve.

Sizung thenkhat ah cun nurse rian a tuanmi pawl cungah nehsawhnak le phaisa in sawilem tbk te hna , cun ka bia na ngeihlo ah cun na rian in nai din lai tbk a tam tik ah duh nalo bu tein an tuannak sizung i Doctor te a sual deuhmi pawl nih nupi ah an i tuahmi an um pah lengmang cang. Times of India News rel tik ah hi bantuk case hi a tam taktak.

Cun sizung chung ah hin doctor te nih anmah room chung ah anmah rian bawmtu dingah hin nurse ai dawh deuhmi lawng hi an hman deuh tawn hna. Aruang cu tampi chim haulo a si. Tutan kan rak langhtermi video zong hi naite i india ram i thil a cangmi a si i doctor pakhat nih a sizung i rian atuanmi nurse nu cung i a cawlcanghnak kha india nu pawl nih a mual pho ter duh ah an siam thanmi video a si.

Doctor pa nih cun amah bawmtu dingah nurse pakhat ai chiah i mizaw an umlo karlak ah mizaw a zohkhenhnak ihkhun cung ah puanzar phen ah amah bawmtu nurse nu cu a duh nalo in a cung ah a cawlcang. Nurse nu nih cun a nawl chih i a duh baklo nain doctor pa nih cun a phunphun in a lemsawi a duh nalo cun a sualpi. Cuhnu ah phaisa zeimawzat a pek i a thinlung dam nak ah heh tiah bia in a hnemh.

Asinain misual cu an luat kho taktak lo ti a si bantuk in hi doctor pa hi police nih an tlaih than khawh thiamthiam. A sualnak cu a thiam khawh chungin i phisin ai tim nain a sin i riantuanmi nurse nu nih raltha tein a phuan dih lawlaw ve caah ai thup kho tilo i police nih an tlaih i thong ah an khumh. Hi thawngpang hi india ram women department lei nih an lungfahpi tuk caah mipi theihfian dingin video an siam i atu a tanglei ah kan rak chiahmi hi a si.