Asian Arfi Tiah Auhmi Lemcan Thiam Minthang Mike Angelo Cu Pathlawi A Rak Si

Asian arfi ti tiangin an timi Thailand ram lemcan thiam Mike Angelo cu single father ( fapa pakhat nei pathlawi) asi cang nain mi tampi nih an uarnak le a larnak cu a ziam hlei nai sailoh.

Mike Angelo nihcun lemcan vawlei ah lamthluan saupi zawh in can a hman cuahmah liopi ah a nungak tthing Sarah nih a fapa Maxwell cu Mike he an fapa asi nak kong a phozar tiah theih asi. Mike Angelo nihcun DNA test zong tuah bak loin Maxwell cu raltha taktak in a fapa ah a rak cohlan colh ve.

Milar pakhat nih single father sinak dirhmun a van ton ding cu thil fawite cu asi lai lo ti cu a fiang ngai mi asi. Mike nihcun zeihmanh chim lo le buailo tein a fapa Maxwell sianginn kainak caah a herh mi vialte le a herhdang vialte tum piak ding cu ngaihlah lo tein a pek lengmang tawn ti asi.

A nungak tthing Sarah sinah cun Mike nih Covid-19 boruak ruangah tangka a dihmi a tam ruangah i sumren deuh dingin a chimh i, Sarah cu a lungtling loh. Hi bantuk in a pasal nih tangka lei ah i sumren dingin a chimh mi ruangah cun Sarah nihcun Mike cu a fapa Maxwell hmuh ter cu a duh ve ti loh ti asi.

Sarah nihcun Mike sinah biakam ter in a fapa Maxwell cu PhD a cawn tiangin tangka pek piak dingin a ti i, a fapa caah Thailand ram ah Inn tha taktak pakhat cawk piak dingin le thla chiar in Thailand tangka 300,000 pek peng dingin a ti fawn.

Hi tiin pek dingin a timi vialte a pek lo le a tuah piak lo ding asi ahcun a fapa cu na hmu kho ti lai lo tiah a hrocer chih. Nawlngei tu hna nih an sining an konglam cu an ceih piak hna lai tiah an chim.

 

Leave a Reply

Your email address will not be published. Required fields are marked *