ASEAN Palai Pawl Nih Min Aung Hlian An Va Luh Hnawh Cang

Association For South East Asian Nation (ASEAN) mi lianngan hruaitu pawl nih date 4,6,2021 ah hin myanmar ah an lut i ralkap hruaitu pawl va hmuh i va ton ding i an ram an i hruaining cang pawl kong va chimh ding ah an i tim tiah Media pakhat nih cun a langh ter.

Myanmar official mi lian ngan an min chim duh lo mi nih cun,ASEAN hruaitu pawl nih nihin ah khan myanmar ah an lut tiin an chim i hi hruaitu pawl nih hin ralkap an hruaitu Min Aung Hlain le second minister for foreign affair an ton hna lai tiah an chim.

Myanmar- ram a tlaang mi lak ah hin, ASEAN serectary general zong ai tel i Brunei foreign minister zong nih a telpi tiah media- pawl zong nih an thanh i nizan ah khan myanmar millitary council hruaitu paal he i chawnhbiak nak an nei.

Myanmar-ah hin Feb ni 1 ah nawlneih nak ralkap nih an lak ni khan buainak le i doh nak hi a um lengmang i minung 800 reng lo nunnak a liam cang i an buai nak ruang ah hin rampi economy zong faktuk in a tla cang i ram mipi dirhmun zong a chia tuk hringhran cang ti a si.

Kan hnu i, a mah Min Aung Hlain – ASEAN meeting a kal hnu ah khan ASEAN hruaitu pawl nih Myanmar mipi cung ah sullam nei lo in mipi an thah hna ning le sandah piah mi cung i an vuak hna ning le an cawlcangh ning vialte ralkap an sual ning vialte cu vaalei cung ram vial te nih a theih dih mi a si i curuang ah cun,ASEAN pawl nih hin zeitin dah hma an lak lai timi cu theih khawh a si rih loh.

Ruah chan nak thar a um khawh rual rual in ASEAN hruaitu pawl hmalak nak hi Myanmar mipi pawl nih an i lunghmuih lo ngai i an hmalak ning hi an i biatak lo tuk ti zong in mi thenkhat nih cun an ceih ngai cang hna. Tutan ah hin zei bantuk thildah an tuah lai timi cu chim khawh a si rih loh nain, ASEAN nih hin Myanmar ram buai nak ruang i mipi an tuar nak vialte ruang ah a rianran nak in hma an lak piak hna lo ah cun vawlei pi nih sual a phawt cang hna lai tiah zumhnak a um.

Min Aung Hlain lei tang ralkap pawl nih cun, minung 800 reng lo an thah cang nak hna kong thawngpang an thanh mi hi a hman lo mi a si tiah an hrawkhrawl in an chim ve i, zeitluk hmanh in i phelh hna seh law vawlei pumpi nih a theih dih mi a si ko.

Leave a Reply

Your email address will not be published. Required fields are marked *