ASEAN Meeting I Min Aung Hlaing An Tel Ter Lo Nak Ding A Ruang Cu An Rak Mawh Bak Ve Loh A Phu Ko

Why Myanmar's military seized power in a coup | News | Al Jazeera

Myanmar ralkap aiawh in thawngthanh tu Zaw Min Tun nih Myanmar ram buainak cu Daw Suh Kyi pakhat chawnh nak men i a daih khawh lo nak ding kong cu a chim i Daw Suh Kyi chawnhbiak khawh tik ah buainak vialte a dai te ko lai tiah a ruat tu pawl hna nan zumh nak cu mitcaw zumhnak bantuk a si tiah a ti hna.

Myanmar ram buainak kong he pehtlai in ASEAN nih palai thar an chiah mi Yusof nih cun Daw Suh chawnh a duh nak kong cu ralkap pawl a chimh hna nain,ralkap nih a rem an ti lo tik ah ASEAN lei an lung a awi lo tuk i October 26 in 28 tiang an tuah dingmi ASEAN meeting zong ah Myanmar ralbawi Min Aung Hlaing sawm lo dingin biachah nak an nei. Asinan , Min Aung Hlaing sawm lo ding i an ceih mi cu bia fiangten an chim kho rih loh.

Coup feared in Myanmar as army detains politicians, civil leaders - La  Prensa Latina Media

Hi bantuk i ASEAN lei an lungawi lo tikah Myanmar ralkap aiawh in thawngthanh tu Ralbawi Zaw Min Tun nih cun “Kan ram buainak cu minung pakhat chawnh men le pawlkomh pakhat i buaipi men in cun a fel kho ding a si naih seih lo. Cu bantuk menmen i buainak a fel dih ding i a ruat tu pawl cu mitcaw zumhnak nak bantuk men nan si tihi theihter kan duh hna. Cucu, ka duh ning lawng i kan chim mi siloin tuanbia zoh tik ah thil sining zohchih i kan chim mi a si i minung pakhat long i deih ter khawh ding ah cun ramri a hme tuk. ASEAN he remnak tuahmi 5 kan nei i, mah cu ah cun thil tampi ai tel ko tiah,” a ti.

Myanmar army seizes power in apparent coup, declares state of emergency -  ABC News

Myanmar Policy dothlat tu pawlkomh i hruaitu U Aung Thu Nyein nih cun “ASEAN in Myanmar ram buainak hi thaten ceihhmai ti nak an neih lo ah hin cun, an min a chia tuk lai zeiruang ti ah cun, Myanmar ralkap hr remnak an tuahmi 5 cu vawlei cung ramdang pin ah pawlkomh puitling pawl nih an pompi dih hna i puitling dingin an nor cuahmah lio hna.

“Zeiruang ah dah, remnak an tuahmi 5 an tuah ding ah hin mah tluk in an nuar zsi bantuk buainak dah an neih timi cu ka thei ve loh. Tu umdan cu ramdang le pawlkomh puitling pawl nih ASEAN cu hmainor dingin an nor lengmang tikah an cawlcangh lengmah hau ding in a lang. Curuangah, Min Auang Hlaing cu ASEAN Meeting i sawm lo dingin an hro nak a si,” tiah a ti.

Leave a Reply

Your email address will not be published. Required fields are marked *