Apoi Ko : Aungla Nsang nih A Champion Taisawm Cu “Ridder’ Kutchung In Lakkhawh Thannak Lam A Um Ti Lo ( Cutluk Ridder Huat Tlaih Khawh Cu Rak Rel Hih)

Mipi nih kan thinlung dihlak in thazang kan pek ciomi Aungla Nsang nih cun a rauh hlan ah i thua colh dingin kai ready tuk tiah amah facebook Page ah thawngthanhnak a tuah than cang. Aungla Nsang hi atulio ai thuatmi pehtlaimi puai 2 ningte in teinak a hmu veve than i a hlan bantuk in a cawlcangh a tha tuk than cang tiah mipi thinlung ah a um than cang.

Ahlei in mipi nih an van uar khun than nak cu kuttum in thong lei lawng siloin ground lei le i tlaihkhih lei zong tha tein amah pum ai veng khawh cang caah , ground lei i celhnak ah a thiam bakmi le i tlaih khi lei zong special a simi minung pahnih bak an pahnih ningte in a tei khawh cangmi hna ruah tik ah mipi nih a cung ah zumhnak an ngeihmi a hung thang ngai ngai than.

Tubantuk in teinak thar a van hmuh tikah amah Aungla Nsang zong a thinlung a hung thawng tuk than i naite i a donghnak ai thuat i teinak a hmuh khawh bak ah khan state cung ah ” mi zei bantuk fighter hmanh ka tih hna lo an ka singkhaw khawh , cun teng bak in ka thuat hna lai” tiah hacang i rial pah in mah le mah zumhnak nganpi he vawleipi theih in a chim ngam ve than cang.

Tubantuk in Aungla Nsang a thar in a hung thancho tukmi le teinak pehtlai in a van hmuh tikah amah um hmun in a thin a rak phang tuk vemi Fighter pakhat a rak um.Cupa cu Aungla Nsang nih a lak ciami champion taisawm pahnih bak a chut kho tu “Ridder” a rak si. Ridder nih Aungla he i thuat than ding ah thinphang ngai in a rak um mi kong he pehtlai in mithiampawl nih an chim mi cu ” teinak a hmu lengmang mi minung cu voikhat te faktuk in an sungh tik ah cubantuk sunghnak nganpi cu ka tong than sual lai ti an phang i tihnak in an khat colh tawn” tiah an chim.

Cucaah Ridder zong hi a donghnak puai ai thuat i mi hmai hmanh khaplo in a sunghmi le sizung ah a zarh zarh in zohkhenh a hauhmi a ruah tik ah Aungla nih le teinak pehtlai in a hmuh fawn i thanchonak nganpi he vawleipi theih in bia a van chim mi a ruah tik ah Aungla he i thuat ding cu hell tlak tih bantuk in a rakm tihnak hi a si ” tiah mithiam pawl nih cun Ridder kong ah an chim ve.

Culawng siloin fakngai in mipi hmai ah rak tei cangmi le mualpho ngai le lungfah ngai in rak tuah cangmi Aungla he i thuat ding a ruah tik ah tih nak a khat ti a si. Cun Aungla nih hin ka cung ah teirul cham dingin a kum in timhlamhnak a ngei zungzal timi a theihfian tuk ve caah tu bantuk in Aungla he i thuat ding cu a duh rih lo nak a si tiah theih a si.A liam ciami caan ah Ridder nih Aungla cu taisawm pahnih a rak chuh ko nain kut tum thongh nak bak in siloin a reh i reh nak lawngin a si caah Aungla nih fak ngai in a temtuarmi a um lo ti a si.

Asinain Aungla he van i thuat than ding ah cun Aungla biachim a ruah tik ah naitan bantuk in Sizung ah tlikpi hau tiangin dirhmun ka phan kho than timi a ruah ah a tih nak a si tiah an chim. Cun hilio ah hin mipi lei aw an zong ah “Ridder cu a chuahka in mi a thong bal mi a silo i tlaih le khih pakhat te lawng a si caah Aungla nih hi tlaih khi pakhat te ai ven khawh ko cang a si ah cun Aungla kut hin faktuk in sizung ah a phan ve te cang ko lai” timi bia nih Ridder thintur a zual ter fawn.

Cucaah cun Ridder nih hin Aungla he i thuat than ding ah cun caan tampi ka lak ve ta than a hau tiah one championship tuanvo ngeitu hna sin ah a chim i , i thuat rih lo dingin biatak tein lam a kawl lengmang ti a si. Cun khatlei kam ah Aungla Nsang nih cun One Championship chairman sin ah tawisawm ka lak khawh than nak hnga a rannak in caan van ka sersiam piak colh ko tiah Ridder he i thua dingin heh tiah a rak hnawh ve cuahmah lio a si ve fawn.

Cucaah cun a tu dirhmun ah cun Ridder nih Aungla he i thuat tih in a zaam i Aungla nih Ridder he i thuat khawhnak lam kawl in tuanvo ngeitu sin ah a nawl hna i Ridder hnulei in a dawi thluahmah ti khawh a si. Aungla nih hin amah he i thuat a tih ruangah a zaam thluahmah mi Ridder hi a mei tal in tlai kho sehlaw i thua hna sehlaw cei cikcek in Aungla nih cheih seh tiah amah Aungla Nsang thazang a petu mipi lei in cun bia tampi a chuak ve.