Amen Bawipa Tha Tuk E CDM Tuah Dingin Ralkap Le Palik Minung 450 Nih Min An Pek Cang

Myanmar′s military: A state within a state | Asia | An in-depth look at  news from across the continent | DW | 12.02.2021

NUG cozah nih September 7 i rampi huap raldoh nak an phuan hnu zarh hnih chungah hin ralkap le palik lakin CDM tuah dingah anmah a chawn biatu hna minung 453 an um cang nak kong cu NUG cozah i humhimnak vuanci pakhat U Naing Htoo Aung nih cun mipi sinah langhter nak le chim phuan nak a tuah.

NUG cozah nih humhimnak vuanci pakhat Naing Htoo Aung nih cun “Rampi huap raldoh nak kan phuan hnu bak hin nikhat ah minung 30 hrawng cu ralkap le palik lakin CDM tuah duh ah an rak kan chawnh. September 7 in September 20 tiangah ralkap le palik lakin CDM tuah duh ah an kan chawn tu minung 453 an um cang. Rampi huap raldoh kan phuan hnuah ralkap le palik lakin CDM tuah duh mi cu 20% tluk bak an karh,” tiah a ti.

Myanmar police fire rubber bullets at protesters defying ban | World  News,The Indian Express

Ralkap le palik nih CDM tuah cang mi pawl an himnak ding caah tuanvolatu Myanmar Police CDM Channel nih cun “February 1 in September 6 tiang, NUG nih rampi huap raldoh an phuan hlan thla 7 chungah ralkap sinak kaltak in mipi leitang i CDM tuah ralkap 1500 an um cang. Palik lakin CDM tuah 1000 an um i, ralkap le palik lakin CDM tuah zate komh cu 2500 an si. Mah cu cu NUG nih rampi huap raldoh nak kong an chuah hlan tiang a si,” tiah Media sinah an chim.

NUG cozah sinah CDM tuah dingin min petu ralkap le palik 453 lakin minung 50 lawngin CDM an tuah cang i, a dang minung 400 hrawng cu CDM tuah dingin min an pek cang nain, zam nak ding an buaipi cuahmah lio tiah NUG vuanci nih cun a chim chih rih.

Three police officers from coup-hit Myanmar seek refuge in India | Asia  Pacific News | Al Jazeera

CDM tuah mi pawl si khawg chung in a buaipitu ralbawi hlun Lin Htet Aung nih cun “Zeiruangah CDM tuah mi ralkap le palik an tam thluahmah ti asi ti ah cun NUG zong an si khawg chung in theitawk in an i zuam ve tinak a siko. Cu pin ah a dang pakhat a biapi tuk mi cu ralkap bawi pawl i an cawlcangh ning le an umdan a duh lotu ralkap le palik an tam thluahmah cang tinak a si,” tiah Media sinah a chim.

Ralkap min langhter a duh lo mi pakhat nih cun “Cheukhat ralkap cu bazar kai ding zong in anmah nawl in a chuak kho lo mi zong an um cang. Ralkap chungkhar pawl zong leng an chuah ding a si ah cun, a phunphun in halnak ca an tial hmasau a hau. Siannak an ngah hnu lawngah an chuak kho i zanriah ti bantuk le bang cu an chuak kho lo lawlaw” tiah ramchung thawngthanh nak ah an chim.

Leave a Reply

Your email address will not be published. Required fields are marked *