Amber Heard Duhlonak Online Campaign An Tuahnak Ah Minung 1.5 Million Min An Sign Cang

Aquaman 2 film an can than hnu in a cangtu nu Amber Heard thlen dingin a duhmi minung 1.5 million renglo hna nih an signature an pek cang I, asi nain cu online campaign nihcun Amber Heard hi a buaiter phah lem lo in a lang.

Amber Heard kum 34 i a vapa tthing Hollywood star Johnny Depp kum 57 cu nupi vuak hmang ah an puh i, court nih sual a phawt ruangah Johnny Depp fans hna cu an lungawi lo i, Amber Heard hi Aquaman 2 film in thlak dingin online ah signature campaign an tuah i, cu signature campaign ahcun signature million 3 tal cu tlin ter hrimhrim an i tim tiah theih asi.

Mah lio ahcun Johnny Depp nihhin nupi vuak hmang tiah an puhnak ah sual an phawt mi hi court sang deuh ah phanhpi a timh i, cucu cohlan piak asiloh. Depp fans hna nihcun Heard nih hin a vapa tthing hi mualpho ter a timh hrimhrim bia asi tiah an ruah i, hi bantuk in nupi le vuak hmang tiin an puh i sualphawt asi hnu ah a film can ding mi ah Depp hi aa thulh than cang fawn.

Amah duhlo in onlineĀ  ah signature campaign hi tuah cuahmah hna hmanhseh law Heard hi mah ruangah hin a buaiphah lem loh i, Aquaman 2 an tuah than dingmi ah a role pangai ah can than ding ai ngaihnak kong cu a van phuan ve i, asi nain film tuahtu lei nih hin a hodah an hman te lai timi belte cu official in an phuan mi a um rih loh.

Aquaman film hmasa kha a rak hit ngaingai i vawlei pum huap in cinema hall ticket zuarnak in dollar million 1.1 a rak hmuh khawh. Aquaman 2 hi kum 2022 ah phozar dingah timhtuah mi asi.

 

Leave a Reply

Your email address will not be published. Required fields are marked *