Ai Dawh i A Tawtawk A That Tuk Ruang ah A Riantuan nak in An Phuah Peng i Rian A Hmu Kho Ti Lo

Nuthlawi pakhat a simi Kum (29) nu fa pakhat a ngeimi Stephanie Villagomez cu riantuan lo in um awk a tha ve ti lo fa zong a ngeih ve cang cah rian a kawl i restaurant pakhat ah rian a hmuh i cu ka ah cun rian a tuan .A si nain a riantuan nak ah cun fel lo nak zong zeihmanh a ngeilo nain a taksa a tha a pungsan le a muisam a that tuk ruang ah a riantuan nak lei nih cun a rian in an dinhter nak thawng cu social media an tar langh.

A riantuan nak ah a rak ra mi thila rak eimi pawl nih cun a mah thil pek mi lawng an duh tik ah a tuan nak restaurant i a tuan ve mi midang pawl nih cun an hnah chuah i a chawnh zong an chawn duh lo i mitthmai tha zong an pe duh lo ti a si . A mah kong thatlo nak lawngte cu an cunglei nawlngeitu sin ah an chimh lengmang i rian har deuh a um can zong ah a mah tuan ding ah an chiah piak peng.

Cu ti cun cu ka hmun i riantuan cu a celh ti lo i a huam ti lo caah a chuah taak diam hna i company dang ah ai thial i riandang a tuan than .Cu ka company a tuan nak zong ah cun a mui ai dawh i a taksa a that tuk ruang ah an mui nih cun a rak uar tuk i an pu duhsak nak thawngin zarhkhat a tuan ah an company level sang ngaimi rian cu an pu nih a pek colh . Cu tik ah cun a riantuan ti hawidang pawl nih cun an hnachuah than i buainak a um lengmang ruang ah a celh ti lo i cuka company zong cun a chuak than thiam thiam.

A fanu zohkhenh nak ca le an inn man pek ding ah a lungre thei tuk cang i riandang cu a kawl than . Medical Dispensary ah riantuan ding a hmuh than i buainak ka tong than sual lai ti a phan ruang ah makeup zong i thuk lo le i tamhmoih lo tein a um cang .Asi nain mipi a hip khawh tuk hna caah customer zong tamngai an ngei chin chin . Cu tik ah an pupa zong nih ai bochan tuk i midang in hlawh tam deuh a pek.

An pu pa nupi nih a theih tik ah a hnahchuah ve than hoi i an pa pu sin ah cun a nupi nih” Hi nu hi a rian in na phuah lai maw keimah tu nih dah kan kal tak lai ” tiah biahal nak a tuah tik ah an pupa zong cu a thlauk buai tuk i “Stephanie” cu a rian in a phuah ve than .Voitam ngai rian in an phuah hnu ah cun a beidong ngai ngai ve cang.

A si nain ai dawhnak tu cu hmang thima dingin timhlamh nak a hung ngei i Social Media ah cawlcangh hram a van i thok .”Only Fans” timi Snapchat group a dirh colh . Cu hnu cun mipi a hip tuk colh i can raulo te ah 2 millions followers a ngei colh i zaan khat ah £200,000 bak phaisa a hmuh khawh cang .Cu hnu ah cun “Stephanie” nih cun ka nunnak cu ai thleng cang i midang kuttang ah riantuan ka herh ti lo keimah he tein ka dir kho cang ,tiah a chim ve.

Leave a Reply

Your email address will not be published. Required fields are marked *