A Raltha Mi Ralkap Cu Ramri Ah Chiah An Si Tawn: Sachin Pilot

Rajasthan Assembly session neihnak ah Deputy Chief Minister in an thlak cang mi Sachin Pilot cu Chief Minister Ashok Gehlot pawngah a thu tawn mi cu opposition bench pawngah thutter asi. Zeiruangah dah ramri ah hin an ka thutter i, zeiruangah dah opposition pawngah hin an ka chiah? A ruangcu ramri a si i, ramri ahcun ralkap huaisen le thawng bikbik pawl chiah an si tawn tiin Pilot nih cun a chim.

Cawn ninga ni ahkhan thil a can hnu ah a tumkhatnak Gehlot le Pilot te hi i tong in an i lawm ngai hna. Hi tiin an i suk lio ah hin Chief Minister nihcun Pilot hi faak taktak in a thuat colh i, hmantlak lo ti tiangin a ti phah.

Sinain an harsatnak hna cu hnuchit in Congress MLA hna he an i hmuhtonnak an neihnak zongah an thu tti. Gehlot nihcun rebel MLA hna sinah an i tel lo ahcun teinak an hmuh lai lo nak kong zong a chim phah fawn. House ah Pilot thutnak thlen asi i Deputy Chief Minister asi lio ah a thutnak in a tlar hnihnak kehlei kam a hriang bik ah thut ter asi.

Rajasthan Assembly ah trust vote neih hlan i debate neihnak ah Pilot nih BJP MLA Rajendra Rathore bia a chim lio ah i thlak khawhnak nawl pek asi.

Tuni ah Vidhan Sabha ah ka rat ah hin zeiruangah dah opposition bench pawngah hin nan ka chiah hnga tiin ka khuaruah ahar ngai. Sinain ka theih fian bak mi cu hihi ramri asi i, ramri ah kuat ka si ti nak asi a ti.

Thil tampi chim asi lai i, zei kan chim paoh ah le ti kan duh zongah man nih cu kan fahnak vialte damh in a um cang. Delhi ah doctor kan panh hna i, kan rak kir than cang a ti.

Ral hmai suangah meithal hmachon dingin timhcia asinak kong chim in, kan ttangphaw le ralthuam hna he raldo dingin timhcia kan si tiin a chim fawn. A biachim cu faak taktak in Congress hna nih cabuai cum in an lawmh.

Nizan ah Rajasthan Assembly ah Ashok Gehlot cozah fiahnak an neihnak ah Congress party hna nihcun confedence vote neiin an paltlang. Suimilam pathum renglo debate in chimceihnak neih asi hnu ah voice vote hmangin fiah asi.