A Poi Tuk Ko E, Ramdang I Hi Bantuk I A Va Cawlcangh Ngam Ko Mi Hi Cu Aw

Malaysia, Kuantan ah Myanmar pa pakhat nih tualchung i a um mi hngakchia pakhat kum 4 te lawng a si rih mi cu a fir i an tleih manh tiah thawng kan theih. May 22, 2022 zinglei ah khan mah hngakchia te cu an innhmai leithanel lakah lente ai Celh cuahmah, culio ah cun mah hngakchia a hringtu a nu cu pangpar an cin mi kha ti a toih ve.

Culio tak ah cun Myanmar pa nih cun lente ai Celh lio mi hngakchia pate cu a rianran nak in a cawi i hngakchia pate cu a lau tuk i aw thangpi in a au a nu nih cuti a fapa a au thawng cu a van theih tikah a pa nih a va dawi colh i an khuachung mipi Vialte nih an va dawipi i an va chanh manh ti a si. Cuti cun an fapa te cu an va chanhchuah manh.

Palik bawi nih “Phone call kan dawn bak in suamhmang pa cu an rak tleih khawh cang e a ti. Cuti cun Myanmar pa nih cun diaper a var mi ai ken. Hngakchia a fir mi pate a hmaituam nak ah ai ken mi a si lai tiah zumhnak an nei.

Kum 30 mi Myanmar pa hi Malaysia ram a phanh nak hi thla 3 lawng lawng a si rih i a riantuan nak cu nga tleih nak hmun ah a si. Malaysia ram um khawh nak ca a herh mi pawl zong zeihmanh neih mi a nei loh ti a si. Phunlam lo Ning pi in Malaysia ram a lut mi a si.

Mah hngakchia a firtu pa hi a Sining le a konglam an van Hlat tik ah, A nupi he hin kum 8 chung bak ai um mi an si cang i fa an nei kho bak loh. fa neih a duh ruangah hngakchia a rak fir nak kong hi fiangten ai phuang. A phuntawk in hremnak pek dingin Malaysia palik pawl nih cun an hruai.

Leave a Reply

Your email address will not be published. Required fields are marked *