A Poi Taktak Ralkap Dohkalh In CDM A Tuah Mi Pasal Tha Pakhat Fak Tuk In Thah A Tong E

Mandalay tlanglong zung i tlanglong Pu U Win Ko Oo ( kum 55 ) cu ralkap nih rampi nawlneih nak an lak mindohkalh in March leiah CDM rak tuah cang mi a si. CDM a tuah ruangah an umnak inn in dawichuah a si i, an chungkhat sinah an vai i fonh i lampawng ah eidin tuktak tete zuar buin a chungkhar a cawm mi a si.

Ralkap Thuneihnak Dokalh In CDM Tuah Tlangleng Pu Cu Mibur 8 In An Vaw That – Vapual Net

A thok ka ah cun lampawng i eidin zuar pah kha a ning a zak tuk tawn nain, a hnu deuh ah cun a ngamh thluahmah cang i ai nuamh tuk cang pinah a chungkhar zong nuamnngai in a cawm khawh cang hna ti a si. A riantuannak mandalay tlanglong zung i cozah riantuan mi minung 319 lakin minung 285 cu CDM an tuah i, CDM tuah dingah a rak thi hruaitu hna pakhat a si. Curuangah cun ralkap nih cun pohmah 505 hmangin buainak an siam piak phah.

Mipi nih an thim tlin hnu lawng ah tlanglong mawng than te dingin a um mi U Win Ko Oo cu September 9, zinglei nazi 5 hrawngah thil zuar dingin a kal lio ah cun lampi ah minung pa 8 nih an rak bawh i fak taktak in an vuak hnuah a bike an lakpiak i an zam tak. U Win Ko Oo cu minung 8 i an vuaknak ruangah cun zeihmanh a thei lo i lungfim loin a um a lu le a taksa ah hliamhma faktuk a tuar.

Ralkap Thuneihnak Dokalh In CDM Tuah Tlangleng Pu Cu Mibur 8 In An Vaw That – Vapual Net

Khuavar hnuah cun an vuak nak pawngkam minung nih an hmuh i a chung le an va chimh hna rianrang taktak in sizung ah an tlikpi ko natein ni 10 chung Doctor te nih an zohkhenh hnuah that lei panh kho loin September 19, zanlei nazi 6 ah a nunnak a liam tiah thawng kan theih. U Win Ko Oo thattu pawl cu a ho te pawl dah an si timi zeihmanh theih a si rih loh i amah Win Ko Oo a thih bak in a konglam zeihmanh tuaktak a um ti lo mi cu a chungkhar pawl an lung a fak tuk hringhran.

Leave a Reply

Your email address will not be published. Required fields are marked *