A Poi Chin Leng Mang Ko E Tuchun Ah Ralhrang Nih PDF An Thah Mi Hna An Tam Tuk Hoi E

Magway ramthen, ဆိပ်ဖြူ peng, ကျွန်းချောင်း khuapawng ah raldoh dingin a kal mi PDF pawl cu ralhrang pawl nih an rak bawh hna i PDF 13 an kahthat pin hna ah an nun buin minung pahnih an tleih rih hna tiah thawng thanh a si.

January 2, zanlei nazi 6 hrawngah ဆိပ်ဖြူ peng i hrambunh PDF ဘာမထီတပ်ဖွဲ့ i an hruaiti telh in minung 24 cu ralhrang doh dingin an pok chuak i ကျွန်းချောင်း khaw hnar ah ralhrang pawl nih an rak bawh hna i an kah hna, tiah ဆိတ်ဖြူ peng ပကဖ hruai tu Ko David nih cun a chim.

“Thawngpang a darh Ruangah Ralhrang pawl nih an rak bawh hna i burbuluk tang in an rak Kan hna lampial nak zawn ah khin an rak kah hna caah PDF pawl cu zeiti hmanh in an cawlcang manh bak loh ti a si. An meithal neihmi hrimhrim a chia hru tuk meithal tha te hi nei ve hna seh law hiti lom mam in an tuar lem lai loh,” tiah Ko David nih cun a chim.

Ralhrang nih an kahnak hmunah ဘာမထီတပ်ဖွဲ့ PDF hruai tu telh in minung pa ralkap 9 le nu minung 4 an thi i pa ruak pawl cu ralhrang nih cun Hmun khat ka ah an khangh hna. Nu ruak le a nun lio i an tleih mi pa 2 cu ဆိပ်ဖြူ khawpi lei ah an phur hna,” tiah theih a si.

PDF ralkap a dam mi pawl zong cu hriamhma pi he hmundang ka dang ah an zam hna. PDF i an neihmi pistol meithal 1 le kutser meithal 7, bike 5, meithal kuan le pehtlaihnak thilri pawl cu ralhrang nih an lakpiak hna. January 3 ah ဆိပ်ဖြူ ပကဖ i thit hruai nak in PDF nunnak ai thap mi pawl i ruak cu an lak hna i vui nak can an Hmang hna ti a si.