A Poi Bak, Nutung Fafa I Pasal Le Cung I Hithil A Tuah Ko Mi Hi Cu A Mak Taktak Khi Si, Ai Ngaichih Len Zong Ah Zei Sam A Tlai Ti Loh Teh Aw

Shan ramkulh saklam, Namtau khawpi, i Rian an Tuan nak Hmun ah nu pakhat nih a Pasal zu a ri mi cu fak ngai in a vuak i a vuak nak ah a Pasal a ke miak tiah thawng theih a si.

Thil a can Ning ah cun mah nu hi an riantuan nak ah pa pakhat he phone in ca tawi tete an i kua tawn i cu an i kuat mi ca cu a Pasal nih a hmuh ruang ah a thin a hang i bia an i el nak ah a cang mi a si tiah mit a hmutu minung pakhat nih cun a chim.

“Tlangval pa he ca an i kuat mi a Pasal nih a hmuh ruang ah bia an i el, cuti cun a Pasal nih a thin Han tuk tikah tlangval na nei tiah a puh pin ah biadang zong an i el chih rih.

November zarh a dongh nak bik a si i hi ni ah hin an buai tuk rih loh. A thaizan ah a Pasal cu a len nak ah zu a van i rit i in a rak phak bak cun a nupi kha tlangval dang na nei tiah a pih i a buai hnawh. Cutik ah a nupi cu a thin a hang tuk ve i a pawng i a um mi rua in an pa cu a tuk i an pa ke cu a kiak tiah an chim.

Nutung nu nih a chim Ning ah cun tlangval pa he hin online chung lawng ah ai chawn tawn mi kan si ko a taktak in cun Kan i tong in Kan i hmu bal loh tiah a ti. Cuti cun a vuak mi a Pasal cu tu ah hin a ke kiak mi cu in in ai thlawp cuahmah lio a si.

A ke kiak lak in a Pasal a vuatu Nutung nu cu PSLF/TNLA nih an tleih i tlangval pa he i pehtlai ti lo dingin biakam nak an tuah ter hnu ah an thlah than.

Cun, a pasal a zumh lo bantuk in tlangval pa he an i pehtleih than a si ah cun phunglam bantuk in hrem ding ah biakhiah nak an neih piak.