A Nupi Kutthlak Kongah Sualphawt Asi Hlei Ah Fantastic Beast In Chuah A Si Fawn

Hollywood star minthang Johnny Depp cu UK Newspaper he a nupi kutthlak nak kongah biaceih zungah an phan i, Depp cu hi libel case ah hin teinak hmu lo in sualphawt asi.

Johnny Depp nih a nupi Amber Heard he an karlak boruak chiat ruangah hin a career tiangnih faaktuk in a tuar phah. Case ah teilo in sualphawt asi hnu tlawmpal ah a film thar ding an buaipi lio mi Fantastic Beast franchise, third series in hlonhpiak colh as ii, Warner Bros lei nih an phuah colh.

Depp nih UK Newspaper taza a cuaimi hna hi The Sun an s ii, an article chuah mi April 2018 khan The Sun nihhin Depp hi nupi kutthlak hmang Wife beater tiin an chuah. Mah ruangah hin newspaper’s executive editor, Dan Woodtton he London’s High Court ah taza an i cuai phahnak asi.

Cawn nikhat ni khan hi suit hi Judge Andrew Nicol nih a donghnak biachahnak a tuah i, Depp nih hin a nupi cu kut a thlak tawn ti cu a dikmi asi ko tiin The Sun thawngzamhtu hna cu teinak pek an si.

Mah hnu tlawmpal hin Depp nihhin a Film thar ding Fantastic Beasts ah Gellert Grindelwald bantuk in ailangh ti lailo nak kong le Warner Bros lei nih an bannak kong hi a phuan colh.

Depp nihcun Warner Bros hnanih Fantastic Beasts ah ka role Grindelwald in bangding in an ka t ii, an biachahnak tuah mi hi ka upat i, an ka ti bantuk in a cohlan fawn tiin a chim i, amah tanhtu a fans hna sinah zumhtlak tein a caah an dirpiak mi ruangah lunglawmhnak bia zong a chim.

Depp nih hin Court trial ah a cak lo ruangah hin lungdongh aitim lo i, biadik langhter dingin mah kong hi appeal tuah than ai tim fawn.

Warner Bros zongnih Depp bannak kong hi an phuan cang i, theatre a chuah hlan in a aiawh tu ding an kawl colh. Recast asi lai ruangah hin a film zong kum 2022 thal lei lawngah khin chuah asi te lai tiah studio lei nih statement an chuah. Deccan Chronicle

 

 

Leave a Reply

Your email address will not be published. Required fields are marked *