A Nuam Bak La Hih Mipi Thinlung A Hnin Dih Colhtu Aungla Nsang Le Reinier de Ridder Puai

Khah , Mipi nih kan i ngeih ngai ngai mi Aungla Nsang le Ridder champion i cuhnak puai cu a hung i fiang ngai than cang. Kan theih cio bantuk in Aungla Nsang taisawm a chut tu Ridder cu naitan i One Championship i a sungh ruang ah khan Light Heavy weight Champion taisawm pi cu an chuh colh ve cang.Ridder hi puai 17 chungah puai 1 te lawng a sung i puai 16 cu teinak a hmu mi a si.Atu dirhmun ah cun One Middle Weight ah champion dirhmun a si liomi a si thiamthiam ko rih.

Atu dirhmun ah hin Aungla hi teinak a hmu thluahmah ve than cang nain Ridder tu cu sunghlei dirhmun a phan ve than. Aungla Nsang nizan nai ai thuatnak puai kha taisawm i cuhnak puai cu a silo nain amah a rak teitu le a taisawm a chut tu taisawm va cuh than khawhnak caah ai thuatmi a si caah teinak a hmu cang i amah taisawm a simi One Middle weight champion taisawm cuh khawhnak lam a hung awng than ve cang.

Asi ah cun a ho sin ah dah one middle weight champion taisawm cu a um tiah cun Ridder sin ah a um rih. Aungla nih nizan nai teinak a hmuh bak ah interview an tuahnak i a chimmi cu ka taisawm ka kut chung ah a phak thannnak caan a nai cang. A fawi cu a fawi te lailo caah mipi zong nih thlacam nak in biatak tein rak ka bawm uh tiah thlacam tiang a cah ve.

Cucaah a tu mipi thinlung ah aum mi cu Aungla Nsang le Ridder hi an i thua than colh ko lai ti hi asi cio. Aungla chimning ah cun tukum kum canceo a phak hlan deuh ah kan i thua than lai tiah a chim ve. Cucaah a hung fiangmi cu Aungla Nsang le Ridder i thuatnak puai cu a hung nai thluahmah than colh cang ti a fiang ngai ngai mi a si cang. Aungla taisawm hi Ridder kut chungin Aungla niha la kho than ti hnga maw na ruahnak van chim ve te.