A Ngut Ruang Bak Ah Vawlei Cung Min Van Tha Bik Ah Ai Chuah Ko

Tuchan hi cu online chan a si cang bantuk in a ho cio ca poh ah milar sile a min chia mi sihi thil ol taktak cu a si ruangah i fimkhur taktak hi a hau mi a si. Vietnam nungak kum 21 mi Tao Lingzhi cu sibawi a cawng cuahmah mi a si i, a kut lio hmanthlak ruang bak ah vawlei cungah minthang pakhat ah a chuak diam ko.

Nikhat cu a tha a di tuk i an rian nih le a tam. An cacawn mi nih le a har tuk nusal pakhat a celh ti bak loh i, inleng ah a va kal riangmang i thutden cungah a va thu le can tlawngpal chung khi a vai i hngilh ta ti a si. Culio te ah cun a pawng i a thu mi minung pakhat nih cunu te duhnun le dawh khawh cu e tiah a thli tein hman a rak thlak ziar ti a si. Cutincun hman a thlak mi cu online chungah a thlah i ai dawh tuk an ti cio a hmutu minung poh nih an uar tuk i vawlei cung minthang ah ai chuah.

Model tiang zong in a tuahpah cang i “Miss Vietnamese Student” muidawh i zuam nak zongah ai tel. Cun ai dawh tuk ruangah“Best Value” timi laksawng zong a ngah.Tao Lingzhi nih “Ka sing lio hmanthlak ruangah hin mah tluk lawmmam in ka min a than ding hi ka lungthli pel hmanh in ka rak zum bal loh e tiah a ti. Ṭhenkhat minung nih cun a single lio hmanthlak cu lem a cang sawhsawh le a si ko lai tiah an ti, Vietnam actress a si lai an ti nain a si lo.

Cuhnu pohpoh cun a hmanthlak zei bantuk poh hi online ah a thlah thluahmah cang i, fans pawl zong minung tamtuk a nei cang. A riantuan nak sizung zongah cun a mah hmuh duh ruang bak ah tlangval mui dawhdawh pawl tiang nih an dam ko buin a dam lo mi pungsan in an i thuam i an vai i piah lengmang cang ti a si.