A Kheng Tawl Lio Hmanthlak Pakhat Te Ruang Bak Ah Dirhmun Sang Taktak A Phan Colh Khomi Nungak Tleirawl

Minung kan dirhmun hi pei le za bantuk an rak si timi hi a rak hman taktak. Mitthep kar ah dirhmun chia ngai mi hna zong kha dirhmun tha ngaimi ah a rak i thleng kho i,dirhmun tha ngai kan timi hna zong dirhmun chia ah an rak chuak kho thiam ve.

Thailand tleirawl kum 16 mi Yordchang timi nute cu khengtawl in riantuan tawnmi a si i, a khengtawl lio cu midang nih a thli tein hma an rak thlak i online chungah an rak tar.Online mipi cheukhat hna nih an hmuh tikah ai dawh an ti tuk.A taksa zong ai dawh i a tha tuk ko nain zeibantuk rian paoh huam ngai in a tuan caah an lungtling tuk.A hmaiah make-up zeihmanh a hmang lo i zuzu tein a um mi a si.

Cuticun a konglam an hlathlai len hnuah an ram milar minthang bakah aichuah.Video film chungah tampi a lang i a lar taktak. Sianginn kai liomi asi caah duhning zongin social media ah alang kho lehlam lo.A nungak tik le bang hna ah cun Thailand ram chung ah minthang taktakmi le uanthlar taktakmi a si te ko lai tiah an chim len.