A Fate Hnuk A Dinh Lio Ah A Thihtak, Ngaih A Chia Tuk Hringhran

Thailand ram ah a ummi Kawlram nu pakhat kum 21 upa amin ah Manan Nanuan an timi cu September 30 ah khan a fate hnukĀ  a pek cuahmah lio ah a thihtak tiah an chim.

Manan Nanuan hi Myanmar lei chuak mi asi i, amah hi Shan miphun asi i, Thailand ram ah lut in mah ka ahcun pasal a nei i a um beh mi asi tiah an chim. A thihni ah hin naute cu a taap tuk i zaangfaak tuk hringhran asi tiah an chim i, inn chungah an va luh i an va zoh tik ahcun naute nu Manan Nanuan cu a rak thi cang tiah media hna nihcun an chim.

A fate nihcun le a nu cu a thimi a theithiam ttung lo i a hnuk cu a rak dawp chih len ko tiah an chim. A fa hi thla 3 te lawng asi rih tiah an chim. Manan Nanuan pasal Sai Caing Mat zongnih a nupi cu a ngandamnak a tha ko tiah a chim i, zeiruangah dah hi tiin ruahlo piin a thih hnga ti a theih thiam lonak kong a chim ve. Doctor hna nih a thihnak a ruang hi an hlat lio asi tiah theih asi.

Thawngpang dang: Turkey nungak muidawh taktak Yagmur Asik kum 27 le a pasal football chuih thiam Emri Asik kum 46 hna cu a liamcia kum 2012 lio ah khan an rak i ngei i, fa zong pathum an ngeicang ti asi.

Yagmur Asik nihcun pasal a neih ko bu ahcun tlangval dang pakhat Erdi Singur an timi he an i duh tiah an chim. A pasal nihcun a nupi umtuning cu a van theih tik ahcun duhti lo in tthen a timh ve.

Mah lio ahcun a nupi Yagmur Asik nihcun a pasal neihchiah chawva a duh ruangah a tlangval thar Erdi Sungur cu a pasal that dingin a fial tiah theih asi. A sinain a tlangval nihcun a pasal thah cu a duh lo i, midang misual mithah hmang an ruaih. An mi ruaih mi cu a pasal kahnak dingah meithal a pek hlei ah a ruak hlonhnak ding vialte zong a timhtuah piak chih dih tiah an chim.

Hi mithah hmangpa hi pound 1million in an ruaih i, asi nain an i ruah ning bantuk in thil a cang kho loh. A pasal that dingin an ruaih mi nihcun a pasal sinah thil um tu ning vialte cu a chimh dih i, amah tu cu a ttanpi i, police nih an pahnih cun an tlaih lehlam hna.

Yagmur Asik cu a tlangval he mithah tim in an ttan tti ruangah cun lainawn timhnak case in sual phawt an si i, thongah chiah colh an si tiah an chim.

Relchap: Mah chungchuak asi ko mi fa cungah zeitin hme mah bantuk lungput hi an neih khawh hnga. Indonesia Kabupaten Pelalawan ah nupa hna nih an fanu kum 8 te lawng asi rih mi cu catial he khualai ah an kaltak tiah theih asi.

Ca an tial ta mi ahcun an fanu hngakchia te cu a sual tuk ruangah le duh thim ding dang an neih lo ruangah hi bantuk hin an kaltak mi asi nak kong an tial. An fanu cu a zohkhenh kho peng mi dirhmun ah an dir lonak kong an chim.

Newspaper Kompas nih a tarlangh ning ahcun hi hngakchia nu te hi hna hnok taktak asi tiin petrol station ah a nu le pa nih an kaltak i, ca tial pakhat an chiah tak i, cu ca ahcun hiti hin an tial tak-hngakchia rak kan ngaithiam ko na chimh ngaihlo le na sual tuk ruangah khua chungah na tuarlio zong hmu kho ti lo dingin kan in kaltak. Nichiar te harsatnak na chuahpi lengmang ruangah nangmah tein van i zohkhenh cang ko tiin an ca ahcun an tial ta.

Hi kong hi police officer hna nih biatak tein hlathlainak an tuah lio asi i, nu hngakchia i a nulepa umnak hmun cu an thei kho rih lo tiah an chim.

Cuti cun thil sining an hlat cuahmah lio asi i, hngakchia nute a nulepa hna cu fale zohkhenh khawh lo le an himnak tuaktan piak duh lo ah pum an si i, an tlaih khawh hna asi ahcun hremnak zong faak taktak in pek an si lai tiah an tarlangh chih.

 

Leave a Reply

Your email address will not be published. Required fields are marked *