A Cutluk Australia Lai Nungak Santlaih Lo Khawh Cu , Nihchuak Ngai A Si Nain Ngeihchia Taktak Khi Kan Si Cang Rak zoh Ve Hmanh Hih (+Video)

Tuchan cu vawleipi zong a thangcho i Chinmi kan thangcho kan ti i ramtha zong ah mi tampi kan phan cang hna. A hlei in Chin mino tampi kan ram chuahtak in ramtha ah riantuan le cacawn ah kan chuak dih thlu ngawt cang hna i laihlum mino cu tlawmpal te lawng khi an tang cang ti usihlaw kan palh tuk lem lailo dah.

Culawng siloin kan ram caah mino tampi nih an caantha vialte an pek i ralhrang an zoh lio ah mino thenkhat cu india ram le malaysia lei ah heh tiah a chawi tawk zong cu na ram um ve hna. Zeipoah a si ah tutan i kan rak langhter duhmi cu ramtha ah lai mino tampi kan phak khawh hi thlachuah a si ko bu ah ramtha kan phak ruang ah kan rak chambau mi hi tamtuk a um ve timi hi a si.

Hi video tawite hi zoh law tampi chim haulo in na lung a fiang kho colh ve ko lai tiah zumhnak ka ngei. Tuak law mino cathiam sang tampi kan ram caah riantuan a herh lio caan ah ramleng ah kan chuak dih hna i kan ram , kan chuahsemnak sining le konglam hmanh kan thei huam tilo , kan thei kho tilo. Tahchunhnak ah Laitlang ah khuapi pazeizat dah kan ngeih? Cun kan miphun ni hi zeitik dah a si tbk pawl hmanh a theilo tawk mino kan rak tampi kho cang men.

Hi video kan rak chiahmi hi kan soisel cu a silo nain , tahchunhnak ah kan rak lakmi men a si i , anmah bantuk mino tha tha minung zeizat nih dah kan ram hi an chuahtak an zaamtak cang i kan chuahkhawhnak kan ram le kan sining hmanh thei tilo in mi ramdang ah khua an sak cang hna timi ruah ah cun thinlung a nuam kho hrim ti lo. Nang zeitindah na ruah ve , a poilo na ti lai maw? Ruah awk ngei ngei cu a si ko tiah dah na ruah ve hnga ? Video hi rak zoh law tampi na thinlung ah bia ai chim ve men ko lai tiah zumhnak ka ngei.